مع قنبله الضحك المنفجره دائما ومع الضحك المستمر والحلقه العشرين 20 تابعوو
احمد بوظ القعده علي ريم ومشاها بذكاء على شان يعرف يكلم نور
***************************************
احمد بقي هيعمل ايه فضل احمد يفكر ويفكر هيعمل ايه علشان يمشي ريم دي وفي الاخر وصل لحل ظريف اوي
تعالوا نشوف ايه الحل الى احمد وصلوا
اتصل بالتليفون في الاوضه الى فيها نور وريم
احمد : ازيك يا نور
نور : الحمد لله تمام يااحمد انت عامل ايه
احمد : اهي ماشية الحمد لله هتعمل ايه يعني
نور : هي ايه الى هتعمل ايه يا احمد انت مالك مش مركز ليه
احمد : والله يا نور مضايق شويه
نور : خير يا احمد في ايه
احمد : بصراحه كدا بصراحه يعني
نور : ها يا احمد عايز تقول ايه
احمد : كنت عايز أقعد معاكي شويه لوحدنا بس الست ريم مش مدينا فرصه
احمد بيعمل كدا ليه علشان نور تفكر معاه ازاي تخلي ريم تشوف حاجة تعملها بدل مهي معكننة عليهم كدا ومش مخلايهم عارفين يقعدوا مع بعض
نور : ليه يااحمد عايز تقول حاجه ؟
احمد : كلام كتير والله يا نور بس مكنتش عارف ابدأ ازاي
نور فرحت طبعا من كلام احمد
نور : خلاص يا احمد تعال نفكر نعمل فيها ايه ؟؟
علشان ننزل نقعد مع بعض شويه قبل ما نسافر
احمد : اه مهو دا الى مضايقني وخصوصا اني مش عارف هشوفك تاني امتى لاني عايز اسافر البلد شويه
نور : طيب تعال ننزل دلوقتي وهي ملخومة في ترتيب الشنط هقولها راحه اشتري حاجه وراجعه
احمد : يلا بينا يا نور بس علشان خاطري مش تتأخري علشان عايزك في موضوع مهم
نور : اوكي يااحمد هنزل دلوقتي حالا
نزلت نور وهي لسه واقفه قدام الرسبشن علشان
تسأل علي احمد لقت احمد بينادلها
نووووووووووور نووووووووووور نووووووووووووور
نور : نعم يااحمد خيرر
احمد : انا عايزك اقولك علي حاجه ضروري يا نور واتكلم معاكي كتييييييير قبل معملها
نور : اتفضل قول يااحمد
احمد : بصي يا نور انا هكون صريح معاكي وانتي عارفه انك اقرب حد
ليا في البلد دى
نور : اتكلم يا احمد انت قلقان ليه كدا ومتوتر ليه ؟
نور وشها احمر واصفر وجاب الوان من كتر الخجل
حاسه باللي احمد عايز يقولوا
احمد : بصراحه يا نور انا مش عارف ابدأ إزاي , انا محرج اوي
نور : ايه يا احمد اتكلم , احنا مفيش فرق بينا
نور خلاص كان هيغمى عليها بس مسكت اعصابها لحد ما احمد يتكلم
احمد : طيب يا نور بس انا خايف من رد فعلك لتحرجيني ولا حاجه
نور : يووووووه بقى يا احمد ما تتكلم بقى , مش هاحرجك يا سيدي ؟
خلاص نور كده كانت خلصت تقريبا
احمد : نور بصي عندنا في البلد الى بيكون بيصيف بيجيب مشبك وهوه راجع وانا معرفشي محلات بتبيع مشبك هنا
( المشبك اللى بيتاكل مش المشبك بتاع الغسيل ده )
نور بعد صدمه ودوخه وكرشة نفس وحاله هستيريه وعصبيه حاده وازمه قلبيه خفيفيه وتشنج في الشرايين وتوقف لدقات القلب للحظات وعصافير بتلف حوالين دماغها
ردت وقالت
نور : احمد ايه الى انت بتقولوا دا
احمد : والله يا نور مكسوف منك مووووووت
نور : هوه دا الموضوع الى كنت عايزني فيه يا احمد
احمد : اه يا نور امال انتي كنتي فاكرة ايه ؟
نور : احمد انت جاي شرم الشيخ علشان تشتري مشبك
احمد : امال هما بيجيبوا ايه , ولا نجيب بسبوسه وخلاص , مدام المشبك مزعلك اوي كده ؟
نور : احمد مش معقول كدا
احمد : نور مش انتي جولتلي ان شرم الشيخ دي زي راس البر وجمصة ؟
ولا انتي هترجعي في كلامك وشكلك مش عايزه تسعديني وهترحجيني زي ما كنت متوجع
نور : اوووووووووووووووووووووووووووف
نور سابت احمد ومشيت
واحمد طبعا استغرب من الى حصل هوه شايف ان الموضوع طبيعي لكن نور طلعت منهارة وعماله تعيط فطلعت فوق لقت ريم هى كمان بتعيط حاولت تهدي نفسها علشان تعرف تكلم ريم
في نفس اللحظه احمد قال يعمل تليفون طالما نور مش عايزه تساعده هيتصل بمين ؟؟
بمين ؟؟
بمين ؟؟
بمين يا ترى ؟؟؟
نشوفكم بقى
بعد شويه ........ اكيد الحلقه ما خلصتش
ده انتم كنتوا دبحتوني
اتصل احمد
بعطياااااااااااااااااات
احمد : الووووو
جارته : ايوة مين
احمد : انا جارك يا ست عطيات
جارته : اهلا يامودي حبيبي عامل ايه
احمد : مودي مين ياستي !!!!!!! بجلك انا احمد جارك
اللى منتيل على عينه وساكن جصادك
جارته : ايوة يا مودي ما انا بدعلك
احمد : وتدلعينى بتاع ايه انتى ؟؟؟!!!!!
جارته : ايه انت لسه مجتشي من المصيف
احمد : لا انا جاي بكره ان شاء الله انا متصل بيكي بخصوص الموضوع دا
جارته : خير يا مودي عايز فلوس ولا عايز ايه ؟
احمد : لا مستوره والحمد لله .... انا كنت عايز اسالك سؤال بسيط كدا
جارته : قول يا حبيبي قول
احمد : تعرفي محلات مشبك في شرم اشتري مشبك لبويا وامي
جارته : ههههههههههههههيههههههههههههههههههههههههههه
احمد : بتضحكي علي ايه يا ولية انتي
جارته : اه يا مودي عارفه
احمد : والله هجبلك ربع كيلوا وانا جاي بس جوليلي فين مكانه
جارته : انت عارف وانت جاي من شرم
احمد : لا عارف وانا جاي من بلدنا متخلصي يا ولية انتي
جارته : قول للسواق نزلني عند بتوع المشبك هههههههههههههههههههههه
احمد : بجد يا ست عطيات
جارته : ايوه يا حبيبي بجد
احمد : طيب سلام
نرجع بسرررعه علشان نعرف ريم كانت بتعيط ليه
نور : مالك يا ريم
ريم : مفيش يا نور انتي كنتي فين ؟
نور : كنت تحت بشتري شويه حاجات
ريم : اه سألت عليكي بتاع الرسبشن قالي انك خرجتي مع احمد
نور : بصت ليها كدا وراحت معيطه
ريم : بتعطتي ليه دلوقتي مع انك كنتي مع احمد يعني
نور : تقصدي ايه يا ريم بالي بتقوليه دا
ريم : مقصدش حاجه هانت اهي وكل حد فينا يروح لحالة
نور : انا مش مطمنه لكلامك دا يا ريم ياريت توضحي كلامك !!!!؟
ريم : لا كلام ولاحاجه يا نور انا هنزل اتمشي شوية
نور : طيب براحتك ماهو العمليه نقصاكي اصلا !!!!!
ريم : انا نازلة
المهم ريم نازلة علي السلم فوقعت
و رجليها وجعتها
واحمد كان داخل بالصدفه الفندق
احمد : يانهاار مدوحس يابووووي دي ريم ولا ايه ؟؟؟؟
بتاع الامن : والله معرفشي حضرتك
احمد : وانت مالك يا عم هوه حد كان سألك
بتاع الامن : سوري حضرتك كنت فاكرك بتكلمني
احمد : اروح اشوف البت دي حصل فيها ايه
اوعوووا يا جدعااان جحا اولي بلحم طوووورة اوعوو بس انا هشوفها
احمد : ريم مالك
ريم : رجلي بتوجعني يااحمد
المهم احمد سمع الكلمتين دول ونسي المشبك ونسي الدنيا كلها
وشال ريم ( اخوي يعني ) وراح بيها المستشفي
نرجع بسرررعه لنوررررر
وهي قاعده لوحدها بتفكر
نور ( بتفكر مع نفسها ) : ياتري ريم زعلانه ليه ؟
اممممممم مش عارفه ربنا يستر وميكونشي عملت حاجة تزعلها دي بردوا صاحبتي ومش عايزاها تزعل مني
/*/*/*/*/*/*/*/*/*/*/*/*/*/*/*/*/*/*/*/*/*/
وفي نفس الوقت كان في حوار صغير كدا في البلد عند احمد بين ابوه وامه
ابووه : شوفتي يا وليه الواد تريبتك النجصه سايب دراسته وعمال يتسرمح في شرم الشيخ مع البنات الى لبسه هدوم مجطعه
امه : يا حج .. احمد مش صغير اكيد بس بيغير جووو زي زمايله وانت عارف ان الطلبه بتغير من بعضيها
ابووه : مكان جه غير جو في الترعه حدانا او في المصرف الى في اخر البلد
امه : هتلاجيه نسي يا حج
ابووه : ده انا لما يجي هشوف شغلي معااه علي شان ميعملش كدا تاني
امه : ربنا يجيبوا بالسلامة بس وبعد اكده ابجي اجطع رجبته
ابووه : وهيجي ليه بجي لما انا هجطع رجابته يا وليه انا خايف عليه
امه : ما انا عارفه يا حج ربنا يخليهولك يارب
ابووه : يا وليه اعملينا صنيه البطاطس علشان هموت من الجوع
امه : عنيا يا حج
ابووه : تسلم عنيكي يا غالية
وقامت تعمل صنيه البطاطس
ابووه : ياتري يابني عامل ايه مع الحريم الي لابسه خلجات مجطعه في شرم الشيخ
جتنا نيله في حظنا الهباب قاعد في وش الوليه دي ليل ونهار
مش عارف اشوف غيرها
الواد دا مكنش جال كنت روحت معاه اتفرجتلي يومين ولا حاجه
لا والمصيبه الاكبر جارته يالهوي علي ضحكتها مسخرررة بجد يعني
عملها الوحش يارتني كنت معاه ,,, ياريتني كنت انا الى ساكن عندها
*/*/*/*/*/*/*/*/*/*/*/*/*/*/*/*/*/*/*/*/*
وبسرعه نروح تانى لريم في المستشفي
ريم : اه .... اه ..... اه يا رجلي
احمد : حمدالله علي السلامة ياريم
ريم : الله يسلمك يااحمد هوا انا فين
احمد : في بيتك ومترحك يااختي هههههههههههه
ريم : لا بجد يا احمد انا فين
احمد : في المستشفي يابنتي
ريم : وانا ايه الى جابني هنا انا كنت كنت كنت والله مانا فاكرة
احمد : ايه دا يا ريم انتي فقدتي الذاكرة
ريم : يااحمد متهزرش
احمد : حاضر يا ريم انتي وجعتي من علي السلم ورجليكي اتكسرت وانا شيلتك وجبتك هنا علي الله يطمر فيكي بجى
ريم : ميرسي يااحمد علي زوقك وعلي انك جبتني هنا
احمد : وميرسي دي اصرفها منين هتيلي حاجه ساقعه احسن
وياريت باكو بسكوت شمعدان ونص كيلو مشبك لابويا وربع لعطيات
ريم : انت بتقول ايه يااحمد ؟ مش فاهمة منك حاجه
احمد : لا لا متخديش في بالك
ريم : طيب
احمد : طيب معاكي علي رأى خالتك سميرة سعيد
ريم : ههههههههههههههه ماشي يا خفة
سكتوا الاتنين فترة كده وريم عاملة تبص في عنين احمد
واحمد مركز في وشها اوي
وفجأه احمد قالها
ريم
ريم
ريم
ريم
عايزين تعرفوا احمد قالها ايه
استنوا الحلقه اللى جايه بقى
واشوفكم بكره مع حلقه جديده ان شاء الله
تابعوا معايا باقى قصة احمد الصعيدي ونور البنت الاستايل
