قصه احمد الصعيدي ونور البنت الاستايل

وبعد ما احمد خلص امتحانات هو ونور وقرر انه يطلع الرحلة
وكان ميعاد الرحلة اتحدد



نور : هو احمد اتأخركده ليه
ريم : انتي مالك مش على بعضك ليه


نور : وانتي مالك
ريم : مش عارفة مهتمة بواحد زي ده ازاي



نور : ملكيش دعوة بقى
ريم : صحيح عملتي ايه في العريس اللي اتقدملك


نور : رفضته طبعا.....انا لسة مش عاوزة ارتبط دلوقتي
(ولسة الاتوبيس هيتحرك كان احمد وصل ونور تنفست الصعداء)



احمد : ايه يا جماعة انتوا كنتوا مستنيين حاجة ولاايه
ريم : ابدا كننا مستنيين القطر


احمد : هو احنا هنسافر في الاتوبيس ولا الجطر احنا ما تفجناش على كديه
ريم : يااااربي
نور : ههههههههههههههههههههههههه جامدة دي يا احمد


احمد :اي خدمة يا نور ابجي تعالي كل يوم
نور : اجي فين

احمد : لا لا متاخديش في بالك

والكل ركب الاتوبيس وفجأة احمد بيطلع من شنطته طبلة كبيرة
وشغال ضرب عليها لحد ما وجع دماغ الناس كلها والكل زهق منه


احمد : ايه يا رحلة فججر مالكم ساكتين ليه محدش بيرجص ليه
هطبل وهرجص في نفس الوقت ولا ايه


نور : ابدا يا احمد بس الطبلة صوتها عالي اووووي
احمد : مانا عارف ان صوتها عالي...مكنتش اعرف انها هتضايقكوا كده


نور : عامة انا مش مضايقة انا مبسوطة بيها
وفجأة احمد بيطلع من شنطته زمارة كبيرة بتاعة الفرق الشعبية


وفضل يوجع دماغ الشباب كلهم بأصوات الالات الموسيقية الغبية دي
وفضل على كده لحد ما وصلوا


احمد : يابووووي يا جدعان المنطجة هنا جامدة جوي جوي
نور : انت اول مرة تيجي هنا


احمد : لأ جيت قبل كده ايام الحرب
نور : حرب ايه يا احمد ..هو انت حضرت حروب


احمد : هو احنا هنروح امتى يا نور
نور : يعني لسة اسبوع...انت زهقت ولا ايه


احمد : لا لا خالص بس انا مجبتش اكل كفاية
نور : اكل ايه بس هنا الاكل اوبين بوفيه


احمد : يعني ايه الجون بوفيه ؟؟
نور : جون بوفيه هو ماتش ؟؟
اسمه اوبن بوفيه يعني تاكل اللي انت عايزه


احمد : يالهوي ياني ياجدعااااان
نور : انا هطلع اغير بقى


احمد : اوعي تجولي هتلبسي لبس البحر
نور : هههههههههههههههههه ايه يا احمد ده بس


احمد : صدجيني معرفكيش تاني
نور : انت هتنزل البسين بأيه ...معاك مايوه


احمد : لأ انا ابويا جايبلي ترنج من السعودية هنزل بيه
نور : مينفعش يااحمد


احمد : بجولك من السعودية هو انا بجولك من الصين..ده ترنج جامد جدا جدا
نور :طيب يلا نفطر بقى عشان جعانة


احمد : انتي على طول جعانة كده
نور : ههههههههههههههههه انا بحب الاكل اوي


احمد : انا اخر حاجة افكر فيها الاكل
نور : يعني مش هتفطر


احمد : في مش وخيار وعيش بلدي

(نور كانت عاوزة تقوله ده عند ماما الكلام ده بس لإنها بنت محترمه فسكتت )


ولما راحوا للأوبن بوفيه
احمد اتحسر وقال
احمد : كل ده اكل يا نااااااااااس ...هيخلص امتى ده بس
نور : كل على اد ما تقدر يا احمد


احمد : عليا الطلاج انا هاكل واكل لحد ما افرجع كده
نور :انا طالعة اغير ونازلة


احمد : تغيري ايه بس يا شيخة بصي على نفسك في المراية
وشوفي الولية الجااامدة دي

يابووووووووووووووي انا لازم اروح اتعرف عليها دي لابسة كلسوووون جاامد جوي جوي



ياترى ايه اللي هيحصل لأحمد وايه اللي هيعمله مع الوليه الجامده دي ؟؟؟؟

بعد ما ام تامر وادهم جتلهم

الولية: ها يا حبايبى عملتوا ايه مع الكلب ده
نور: كلب ... انتى قصدك على مين يا هانم


الولية: قصدى على السافل قليل الادب اللى واقف جنبك ده
أحمد: لالالا انتى كده عديتى حدودك يا جمورة
وانا مش هجدر امسك نفسى بعد كده


تامروادهم: انت بتكلم مين كده ياااااااااه
أحمد: بكلم صاحبتى يا عم الحج انت وهو


تامروادهم:ااااااه افتكرنا حاجه تانيه

( أحمد جه جنب تامروادهم بصوت واطى
والنبى يا كابتن انت وهو متخلوش شكلى وحش جدام الموزة بتاعتى )

تامروادهم: هههههههههههههه وانت عندك موزة يا بأف
أحمد: لالالا انتوا زودتوها على الاخر انت واخوك يا عم الجمور


تامروادهم: نعم يا كوتوموتو
أحمد: بص برده تانى بتربط الهزار بالجد ياددع انا بمزح معاااااك


تامروادهم: ما علينا انجز وودع الموزة بتاعتك علشان انت هتموت دلوقتى
أحمد: لأ والنبى يا كابتن بلااااااش دلوجتي ممكن افوت عليكم بكره
علشان انا مش فاضي النهارده عيندي رانيافو

تامر : رانيا فو ........... ههههه اسمه راندفو يا جاهل

( واحمد طبعا كان خايف فمقدرشي يرد عليه وبكل احترام وبأدب بيرد ويقول )
احمد : انا جاهل...... على العموم ربنا يسامحك

تامروادهم: ااااااانجز ..... طب لما انت مش اد المعاكسه والكلام ده بتعاكس ليييييييه

نور: أحمد انا مش فاهمه حاجه

أحمد : استنى يا نور ... معندناش حريم تفتح خشمها والرداله بيتكلموا

نور: يا أحمد دول بيقولوا هيضربوك وكلام غريب كده

أحمد : يا سيتى دول بيهزرووووا معايا

تامروادهم (بصوت عالي ) : لأأأأأ مبنهزرش .....
الوليه: علشان لازم قلالات الادب اللى زيك يتربوا كويس ويعرفوا شغلهم


( أحمد بيقرب من أم تامروادهم وبيقولها )
أحمد : معلش يا هانم ..متزعليش يا جمر انتى
وبعدين انتى احلويتى عن جول مرة شوفتك فيها كده ليه


الوليه: خلاص يا ولاد سماح المرة دى ده طلع مؤدب

(وبتروح مقربه من احمد وموشوشاه فى ودنه )

الوليه: هستناك بكره على البيتش الساعة 10 الصبح اوعا متجيش
احمد: جشطه يا موزة من 8 الصبح هكون متلجح على البيشت

الوليه: يلا يا اولاااااااد
أحمد : سلام يا رداله بس اوعوا تنسوا

نور : احمد انا مش فاهمه حاجه خالص وبعدين تعالا هنا كانت بتقولك ايه الست دى
أحمد: لالالا يا نور مفيش حاجه

نور: خلاص اوك يا احمد براحتك .... شكرآ
أحمد : وه وه وه ... الجمر بتاعى انا يزعل منى ازااااى بس

نور : ابعد بقى بعيد عنى انا زعلانه منك
أحمد : طب والله ارمى نفسى فى البحر واغرق نفسى كمان علشان ترتاحى

نور : لأ لأ يا احمد اوعا تعمل كده
أحمد : كنت عارف يا جمر انك هتجولى كده وهتخافى عليا كماااان

نور: أنااااااا ؟
أحمد : لأ الولييييه ههههههههههههههه


نور: ماشى ماشى براحتك
احمد : انا جعااااااان جوى جوى


( وهما رايحين البوفيه اللى على البلاج احمد قابل واحد صاحبه من الرحله معاهم )
( وكان متابع الحوار من الاول بتاع الوليه ام كلسون لحد الاخر )


صاحبه : ايه يا رامبو عملت ايه مع الكباتن اللى كانوا عاملين زى البلدوزر
اللى كانوا عايزين يفرمووك ههههههههههه

أحمد (بينفض ) :ازيك ياض عامل ايه وفينك كده

صاحبه : انت اطرش ولا ايه يا عم بقولك عملت ايه مع الاشباح
اللى كانت عايزة تاكلك دى

أحمد: لالالا ياعم انا بطلت افلام رعب من زماااااااان ياعم الحج
صاحبه: ااااااه هى نور متعرفش اللى انت عملته واللى كان هيحصلك ولا ايه


( نور بتبص لأحمد بصه استغراب )

أحمد: طب تعالى يا نور نجيب حاجه ونيجى على طوووول
نور: احمد لو سمحت فهمنى ايه اللى حصل انت مبتخبيش عليا حاجه

( احمد فى سره )
( الله يخرب بيتك دا انا مصدقت انها نسيت الموضوع )


أحمد: يا سيتى كل اللى حصل ان انا بعد لما عاكست الوليه
راحت مناديالى ولادها الاتنين اللى عاملين زي الباب اللى كانوا واقفين دول

نور: هاه وبعدين....

أحمد: بس يا سيتى كانوا عايزين يعرفوا انا عملت كده ليه زى ما انتى شوفتى كده
بس انا جولتلهم اللى هيجرب منى عليا الطلاج لأتصل
بابويا الحج هريدى فى البلد واخليه يجى يجتلكم

نور: يا احمد دا انت عقباال ما ابوك الحج يوصل عندنا هنا هيكونوا عملوك زى الكوتش

أحمد : (( كوتش )) ... يا ست نور انا غلطان انى حكيتلك

نور: يا أحمد يا أحمد تعالا بس اقولك انا كنت بهزر معاك والله ... انت قماص اوووى

أحمد : لا انا جعان هروح اكل وانام علشان ورايا بكره رانيافو



( تانى يوم والساعه بقت 7 الصبح )

أحمد: وه وه وه ... يابوووووى الوليه كده هتروح ومش هتلاجينى على البيشت

( أحمد كان على البيتش الساعه 8 بالظبط زى ماقالها )

( وفجأة تيجى الساعه 9,30 واحمد يلاقى مين اللى جاااااايله )

على البحر وهو قاااااعد ................
.
.
.
((( توقعوا انتوا ))

بســـــــــــــم الله الرحمن الرحيـــــــــم

( وراح احمد ونور اللى الابون بوفيه علشان ياكلوا )
وقفنا لحد هنا في الحلقه اللي فاتت


و دلوقتى هما فى البوفيه

أحمد : عايزك يا بت يا نور تاكلى وتملى بطنك على الأخر جبل ما الوكل يخلص

نور : ههههههههههه يخلص ايه بس يا أحمد وبعدين البوفيه
مفهوش حد كتير بياكل معانا


أجمد : برده يا نور انتى متضمنيش الاحتياط واجب بجولك ايه
ناولينى كده الفرخه اللى ناحيتك هناك دى وطبج المحشى اللى جنبيها بالمرة


نور : طيب بس انا اول مرة اشوفك جعان اوى كده


أحمد : لألأ اتعودى على كده خلاص دا احنا فاضل يوم ونرجع دا انا مش بعيد ابات
فى الابون بوفيه بتاعكوا ده
فلازم املا بطنى على الاخر


نور: ههههههههههههه طب ما انت اكيد هتجوع تانى يا ابنى اما ترجع


أحمد : ياباااااااااااااااى عليكى يا نور اسكتى بجى
خلينى اعرف اتمزج بالفرخايه الجميله دى
دا انا اخر مرة كلت فيها فراخ اما كنت فى الشجه اللى انا جاعد فيها فى مصر وكانت كمان عملهالى الوليه
المايصه جارتى بس كانت ماسخه زيها


نور : ماااشى اتفضل كل انا مش هضايقك تانى

( وطبعا كده هما كانوا خدوا الاكل وقعدوا فى المطعم بتاع البوفيه على التربيزة يعنى)

أحمد : متزعليييش... بس انا جعان وهنكمل كلامنا بعد ما اخلص يا جمر

نور: طب كل برااحه محدش بيجررررررى وراااك

أحمد : حااااضر ... كده كويس ؟ طب خدى ورك الفرخه دى منى ليكى

نور : لالالا شكرا مش ينفع خالص فراخ مع سمك فليه

أحمد : مع اييييييييييه ؟ سمك فاااااليه ؟

نور: ايه يا احمد متعرفش السمك الفليه مش الفاليه
اللى هو بيكون من غير شوك


أحمد : إيوه إيوه عرفته خلاص اللى بيعوم فى الإحواض بتاعت السمك ده

نور: ههههههههه يااربى ... ايوه هو يا احمد كل بقى

أحمد : طب خدى اى حاجه منى اجبرى بخاطرى يا نور طب اجولك خدى يا سيتى
الطبج بتاع السلطه ده وجومى امليه سلطه وتعالى

نور: نعم نعم نعم ؟؟؟؟ من عينى يا أحمد

أحمد : تسلم عيونك يا جمر انت

وبعد ما راحت تجيبله السلطه بيكلم نفسه
(( اومال ايه نعم نعم نعم دي اللى قالتها دي زي حاضر مثلا عندها ولا ايه ))

المهم وهما قاعدين كان بياكل على الطربيزة اللى
جنبيهم واحد من الجامعه برده معاهم واسمه ميدو
بس اييه قاعد معاه اربع بنات وشغالين بقى ايه ضحك ومقضيناها خاااالص
والواد ايه من الشباب الجامد جدا جدا واللى بيجيبوا من الاخر

نور: ايه ده يا احمد ده ميدو اهو

أحمد : يكونشى عادل امام يعنى ؟ ميشو مين ؟

نور : ميدو يا احمد بقولك ميدو الولد اللى معانا فى الجامعه

احمد : طب اهلا وسهلا اجوم ابوسهولك يعنى ولا اعمل ايه ؟

نور: طب انا هقوم اسلم عليه واقوله على حاجه كنت عايزاها منه

أحمد : نعم يا ست الجمورة تجومى تسلمى علييييه لييييييييييه ؟
يكونش حد جالك انك قاعده مع سوسن ؟

نور : ههههههههه لأ والله مش قصدى بس اصلا كنت عايزة منه رقم الموبيل بتاع اخته علشان كنت عايزاها فى حاجه

أحمد : ااااااااااه وبعدين ايه اللى عامله فى شعره ده وايه النضارة اللى قد ودان الفيل اللى لابسها على عينه دى
ودى يا ترى حفظ نظر ولا لابسها كده يتمرجع بيها جدام البنات


نور : دا استيل مووووت يا احمد وعسوووول اوى اوى

أحمد : طب ما تجومى تاخديلك كده بوستين على الماشى منه

نور:
لأ انا بقولك يعنى انه استيل مش اكتر وبجد انا دلوقتى عايزة رقم اخته اعمل
ايه وكل ما اشوفه انسى اخده فا دلوقتى فرصه وانا فاكره

أحمد : طب من الاحسن انك تندهيلوا وهو يجى احسن

نور: طيب اوك فكره برده

نور: ميدووو ميدووووو

ميدو : ايه ده نور ازييييك يا بنتى

( وراح قايم من على الطربيزة و قام رايح عند طرابيزتهم )
( لإن زي ما احنا عارفين نور دي بنت اموره ومحدش يقدر يتأخر عليها )

ميدو : ايه يا بنتى محدش بيشوفك ليه مختفيه يعنى

نور : معلش بقى يا ميدو انت عارف الشهرة والاضواء بقى بتخطف الوقت ههههههههه
اعرفك باحمد يا ميدو وده ميدو يا احمد

ميدو : ازيك يا ابو حميد وايه يا عم المطعم اللى انت فاتحه قدامك ده

نور : ههههههههههههههههههههههه

أحمد : هههههه مش كنتى تجوليلى يا نور ان ميشو صاحبك دمه خفيف كده

ميدو : وانت معانا بقى يا مان فى الجامعه

أحمد : مان ؟؟؟؟؟؟ بتجولك احمد وبعدين مان دى شتيمه ؟؟؟؟

ميدو : لأ يا صاحبى عيب عليك دى معناها راجل بس بالانجلش

أحمد : ربنا يخليك يا ميشو قصدى يا ميدو انت اللى شكلك راجل

ميدو : ربنا يخليك

أحمد : ويا ترى النضارة دى نظر ولا ايه ؟

ميدو : هههههههههههههه نظر مين يا عم الحج انت ايه مش شايف السواد اللى
فيها ولا ايه
دى نضارة شمس يا صاحبى

أحمد : اااااااه اللى هى ضد الشمس وكده
زى قبنورى ضد الحرق وضد الكسر هههههههههههههههه

نور : احمد يا ميدو من الناس القريبين اوى منى فى الجامعه

ميدو : اهلا وسهلا يا مان بلاش مان دى اهلا يا صاحبى وفرصه سعيدة

نور: كنت بقولك ايه يا ميدو كنت عايزة رقم سارة اختك علشان كنت عايزاها فى حاجه

ميدو : بس كده يا جميل هاتى موبيلك وانا اكتبهولك

نور : اتفضل

ميدو : مش عايزين منى حاجه بقى يا جماعه انا جمبيكوا على الطرابيزة لو عوزتوا اى حاجه منى ماشى يا ابو حمييييييد

أحمد : ماشى يا صاحبى ربنا يخليك

نور : شوفت بقى انه طيب وعسل وجدع وانسان ذوق وجنتيل وشخصيه جمـ.....

( أحمد قاطعها و رد عليها بتريقه وبيقولها )

أحمد : اجولك حاجه قومي اجعدي معاه او اجولك انا هاعمله تمثال عندنا في البلد

نور : وعلى ايه كل ده ؟؟

أحمد : خلاص خلاص ... انا اسف

نور: ايه رايك يا احمد تعمل نيولوك فى شعرك ولبسك وكده زى ميدو

أحمد : بجولك ايييه وماله شعرى ولبسى يا ست هاااااانم
ايه شايفانى اراجوووووز ؟؟

نور: لأ يا احمد والله مش قصدى بس انا قصدى ان الناس كلها
بتعمل تجديد فى شكلها
وكده وهيبقى للأحسن طبعا فاكر اخر مرة عملت فيها شعرك كان جميل اوي
كنته عامله ازاي ؟؟

أحمد: اه طبعا وانا اقدر انسى بأمارة اما الحلاق اللى حلقلى تانى يوم مات

نور : ههههههههههههههه

أحمد : اه والله انتى فاكرانى بهزر فا مش ناقصين حد يموت تانى كفايه المرة اللى فاتت

ومن ساعتها وانا متعقد من البلو توك توك ده

نور : ال ايييييييييييييه ؟ يا اربى اسمه نيو لوك

احمد : مش موضوعنا دلوجتى يا رخمه ... طب انا موافج بس عايز حلاج يكون
كويس بقى ومش من اللى بيموتوا

نور: ولا يهمك يا سيدى كده كده احنا خلاص راجعين بكره اما نرجع اخلى ميدو يوديك للحلاق اللى بيروحلوا
وبعديها ننزل نجيب اللبس كمااان ايه رايك ؟

أحمد : ماااشى يا جمر . بجد يا نور مش عارف اجولك ايييييه
يا نور انتى طيبه جوى جوي

نور : لأ يا احمد متقولش كده انت متعرفش انت ايه بالنسبالي ... انت ...

( وقاطعها احمد مره تانيه )

أحمد : طب انا هجوم اغسل ايدى

( طبعا نور اضايقت علشان احمد قطع الحوار الرومانسى اللى كان ابتدى بينهم )

نور : طيب اوكى اتفضل يا بيه


( وأحمد وهو خارج من المطعم لقى قدامه واحده اجنبيه زي القمر
عينيه اتحولت عليها )

وقال في باله : بقى في حد بالحلاوه دي يابوووووووووووووووووووي

وبعد كده ايه اللي حصل ؟؟؟


انتظرونا الحلقه الجايه علشان تعرفوا