صرخة مواطن ....

صرخة مواطن

أنا صابر وساكت وراضى بقليله
بقى شىء أساسى كتر المأسى واتهد حيلى
عمال آسى وياريتنى راسى واحتار دليلى
قهر وعذاب ظلم وخراب ولسة ياويلى
غريب فى بلدى والغرب مرة وكأنى فيها ماليش مكان
وإزاى ياناس وبلدنا حرة والغرب مشيوا من زمان
إحساس غريب صعب ورهيب ضايع شعورى بالامان
فقير باصبر مريض باشكر تملى واخد ع الحرمان
كاتم فى قلبى ما بشتكيش
طالب حياة نفسى أعيش كفاية بعد كفاية تهميش
إنسان أنا ولامش إنسان
راضى بقليله وياريتنى طايله
حتى قليله غضبان عليه
حملى ثقيل ولوحدى شايله
ولحد إمتى أخرتها ايه
ومين يواسينى ومن يحايلنى
يمد إيده ياخدبإيدى
بأصرخ واقول وبأعلى صوت دى صرخة مواطن




ومين يسمع!!!!