* كــان بينهـم " قصة " هى أعتقدت إنها "حب" *

... من غيـر أى كلمة تغضب الرب

وجـه لحـد عندها وقدام أهلهـا

بس شاءت الظروف وإللى أبتدوه مكملش

بدءوا بمـا يرضى الله وأفترقوا على حب الله

قالهـا مستحيل وحكايتنا للى حوالينا مش خير ,,~

هو أستسلم وهى لربها سلمت أمرها

بس مقدرتش تنساه وأحتفظت بيه فى قلبها

وفضلت تدعى ربها إن كان فى الدنيا مش نصيبها

فى الجنة بيه يكرمها

وهــو ,,,~!

وصلها من مجهول عايش حب جديد وسعيد وقريب

هيبقى عريس ..؛

وفى يوم رن تليفونها ..

هــو بنفسه بيكلمها :~

بد إذنك عايز أشوفك وأكلمك أطمن إنك مسامحنى

وإنك لربى مش شاكيانى ,,.

استاذنت أمها رغم رفضها,,

أرجوكى يا أمى أسمحيلى ,,

رفض أمها مش عدم ثقة فى بنتها واللى حبيته بنتها ..

خايفة يزيد الألم فى قلبها

وكان اللقاء فى مكان عام على البحر تمام وقدام الناس

بعد السؤال عن الاهل والحال

قالها ,.سامحينى تعبتك وجرحتك وقدام الناس ظلمتك

وكـ " أنى بيعتك "

بس حكايتنا كانت مشاكلها كتير واننا نكمل مستحيل

كتمت فى نفسها وبسرعة مسحت دمعة على خدها

وفى وشه أبتسمت وردت

" الله المستعان وكما قدر الرحمن "

ومن غير ما يبص فى وشها قالها

بصراحة نويت ألبس دبلة فى اليمين و...

لسه هيكمل ويحاول يبرر ,,.!

بأيديهـا صـدت كـلامه ونار بتحرق قلبها

وبصوت مخنـوق ردت

,, مش محتاج تفسر ولا حتى تبرر ,,ربى يسعدك وبيها يفرحك,.

آآمن على دعائها وقال " اللهـ أستجب ــم "

كتمت غيظها وحسرتها على قلبـها ,, ممكن أستأذنك أمشى

اطمن انا معرفش ما اسامحكش عيش واتهنى بعد إذنك..

قالها أستنى مش عايزة تعرفى هى مين وعرفتها فين.!

قالت له ميهمنيش المهم انك اخترتها ,,

قالها على فكرة تعرفيها,,

قالتله وانا معرفش حد وحش ربى يبارك لك فيها

نفسها تقوم وتجرى بس الالم ثبتها

بصيت للبحر حبيبها وصديقها ومن عينها بيفهمها

كأنه بتحكيله عن جرحها وعن حبها اللى ملهوش تمن

أستجمعت شجاعتها وأتحملت ألمها , ولسه هتقوم,,

لقيت الاستاذ بيقولها وفى ايده علبة قطيفة صغيرة

احنا من الان اخوات فى الله وعايز أختى تشاركنى فرحتى

وعشان كده هوريلك دبلتى ودبلة خطيبتى

كأن سكينة طعنت قلبها وهو فى ايده دبلة العروسة

وبيمدها ليها ويقولها أتفرجى عليها...

لحظة فارق فيها الاحساس قلبها ولحظة اختبار لصدق حبها وطيبة قلبها

اخدتها منه واول مابصت قالت فى نفسها اشوف اسمه والتاريخ الجديد لحبه

وكانت مفأجأة

ملقيتش على الدبلة لااسمه ولا تاريخ
~
~

~
~

~
~
رن تليفونها فى نفس اللحظة بـ مسيج

"منه"
فيها اسمه وجمبه خطيبتى وعدتنى بنفسها هتحفر اسمى زى ما فى قلبها وعقلها حفرته ..

دموعها بقيت حبات ندى بتنور وشها وضحكة قلبها سمعت موج البحر حولها

ولولا ايمانها ودينها وحيائها كانت قدام الناس ضمته ..~

هى اللى فى يوم وعدته انها بنفسها هتحفر اسمه

وبسرعة مسكت دبلته لقيت اسمها وتاريخ اول يوم عرف فيه قلبها

لسه هتنطق وتتكلم لقيت من وراها حد بيضمها وبـ مبرررروك بيفرح قلبها

أخوها اللى مع حبيبها عليها متفق

نطق حبيبها وقالها قـدام اخوكى انا عمرى ما افرط فيكى

بس كان لازم ابعد عشان من تانى اجى بالشكل اللى يرضيكى

حبى ليكى كان فى ربى واللى فى ربى عمره مايضيع

"ربى يباركلى فيكى "

أروع ما قرأت .
بجد فووووق الوصف.
كلمات جذّابة.
معني و تعليم من قصة هادفة.
كلمات سهلة ممتنعة.
أعتقد أنه لا يوجد نقد في هذا النوع المستحدث من الشعر الرونقي الخاص الذي يهدف لشرح قصة بطريقة شعرية أظنها جديدة في مدارس الشعر العربي الحالي.
يعطيك العافية مراقبتنا الوقورة.
*** كــان بينهـم " قصة " هى أعتقدت إنها "حب" *** 762106

*** كــان بينهـم " قصة " هى أعتقدت إنها "حب" *** 762106

» أيها المشتاقون": إنها "غالية"..!! فمن يشتري؟!!