1 - خطيبة مشرف كل ماتتصل بيه تطلعلها رسالة مسجلة - السرفر مشغول حالياً ، حاول فى وقت آخر .
- 2مشرف عام غطسوه تانى
- 3 مشرف جاتله فاتورة التليفون كبيرة عملها تعديل
. 4 - مشرف كتب كتابه فى موضوع وعمل الحفلة فى قاعة التهانى والمناسبات ووزع على المعازيم تقييمات موجبة
5 - مشرف زعلان من مراته عملها حظر
6- مشرف شغال فى المرور كل مايشوف عربية مخالفة يديها تقييم سالب
7- مشرف خلف توأم إحتفظ بواحد والتانى حطه فى قاعة المكرر
8 - زوجة مشرف نسيت تحط الملح فى الأكل حطلها تقييم سلبى
9 - مشرف زهق من مراته عملها ايقاف
10 - مشرف بيتغزل فى خطيبته وبيقولها إنتى موضوع عمرى ... أنتى مشاركة حياتى .. إنتى كل صلاحياتى ...
11- مشرف عاوز يخطب عضوة قالها ممكن أسجل عندكم فى البيت بس ياريت والدك ميتأخرش عليا فى رسالة التفعيل
12 - مشرف عنده حالة نفسية كل مايكتب موضوع يحذفه
13 - مشرف عاوز يعرف حبيبته بتحبه أو مبتحبوش دخل على القاعة وبدأ يحذف المواضيع واحد ورا التانى ( بتحبنى - مبتحبنيش - بتحبنى - مبتحبنيش )
14 - مشرف عام موظف فى مصلحة حكومية شرط على كل عضو يكتب مشاركة يحط عليها ورقة دمغة
15 - مشرف دخل قاعة المناقشات طلع منها بخمس غرز وإرتجاج فى المخ
16 - مشرف دخل قاعة المرأة طلع منها بست اشهر
17 - مشرف دخل قاعة القضايا السياسية قبضوا عليه فى مظاهرة
18 - مشرف إختلف مع المشرف عام نقلة مشرف على قاعة المواضيع المكررة
19 - مشرف عاوز يطرد عضو مميز من المنتدى حطله أحد مواضيعه حتتبن حشيش وبلغ عنه
20 - مشرف مردش على الموضوع ده اختفى فى ظروف غامضة