حدوته سندريلا الشقيه ...

كان يا ماكان ولا يحلي الكلام الا بالصلاه علي سيدنا محمد
عليه افضل الصلاه وازكي سلام

في بنوته اسمها سندريلا

اموره وجميله وماما وبابا بيحبوها

لكن كانت شقيه جدا

وبتبهدل البيت لماما

وماما كانت بتزعل منها جامد اما بتعمل كده
وحتي القطه كانت بتعذبها

وتفضل حابساها متسبهاش تلعب
حتي لعبها كانت بتكسرها

وجه ميعاد دخول المدارس

وكانت شقيه حتي في الشارع

وفي اول يوم مدرسه
اتعرفت سندريلا علي اصحاب وطلعو
اشقيا زيها
شوفو ازاي بياكلو علي الارض

وقعدو يشدو لعب الولاد

وكمان قطعو المخدات بتاعت كرسي الميس

والميس اتضايقت منهم وزعقتلهم

لكنهم اتفقو انهم يفضلو اصحاب ويفضلو يتشاقو

وفي يوم من الايام
ساندريللا قامت في دماغها فكرة
سخيفه وقالت لازم هنفذها
مسكت اختها وقامت
.

وعلقت اخوها كماااااااااااااااااااااااااااااان

وكانت مبسوطه جداااا

وخرجت بره البيت بسرعه قبل ما مامتها تشوف
المصيبه اللي هي عملتها

راحت عند صاحباتها وقالتلهم يللا نعمل شقاوة
ايه رايكم نعذب الحيوانات اللي في الشارع؟؟

طبعا كلهم قالوا موافقين
وراكى وراكى

وماما اما شافت اخواتها زعلت منها جدا

ولما خرجو الشارع

لقو قطه ماشيه سندريلا مسكتها وفضلي تصرخ في ودانها

وحطو ولاد القطه في كبايات

وشافو قطه تانيه راحو مغرقنها ميه

وضربو بوبي بالطوب يا حرام

حتي لاكي لفوه بالحبل

وبعدين اشترو بويه والوان

وبدل مايرسمو في الكراسه
راحو بوظو حيطه بيت وشخبطوها خالص

وصاحب البيت شافهم واتخض وفضل يزعق

وراحو اول ما شافوه جريو

وكان جاي في سكتهم امير زميلهم في المدرسه

كان بيصطاد سمك وسأل سندريلا بتجري ليه

قالتله شخبطنا علي حيطه بيت وصاحبه شافنا وبيزعق
امير ماتقولش لبابايا ومامتي اي حاجه

وزعل امير من اللي عملته سندريلا

دايما بتتشاقي وتعمل حاجات غلط ودلوقتي حاتخبي
علي مامتها وباباها
انا لازم اتصرف قبل ماتحصل مشكله كبيره

ورجعت سندريلا البيت وكانت خايفه قوي

وفضلت في اوضتها تفكر تعمل ايه
لو بابا وماما عرفو انا عملت ايه حايعاقبوني ويخاصموني
لا لا انا مش حاقول اي حاجه
وهو صاحب البيت حايعرفني منين يعني

وخبطت ماما علي باب الاوضه وقالتلها يلا الغدا يا سندريلا

وقعدت تاكل وهي خايفه وباين عليها مخبيه حاجه

وتاني يوم راحت مدرستها وقابلت اصحابها

وقالتلهم انا خايفه قوي بابا وماما يعرفو اللي انا عملته امبارح
قالولها وحايعرفو منين بس . المهم انتي متقوليش حاجه

وجه امير جنب سندريلا عشان يتكلم معاها

وقعد يقولها الشقاوه دي غلط ومامتك وباباكي حايزعلو منك
ده حتي الميس دايما زعلانه منك ولازم تبقي كويسه وتسمعي الكلام

لكن سندريلا مسمعتلوش وقالت له لاء انا كده ومش حاتغير

وهي مروحه عارفين شافت مين خارج من بيتهم

يا خبر ده صاحب البيت اللي بوظوه

وراح باباها مناديها
سندريلا تعالي هنا حالا

ودخلت سندريلا وبابا قفل الباب ولقت ماما جوه وشكلها متضايق قوي

وقالتلها انتي مهمله يا سندريلا النهارده الميس كلمتني وقالتلي انك
جايبه درجات وحشه واكتشفت انك مخبيه عني

ده غير اللي عملتيه في اخواتك وانا لسه ماعاقبتكيش عليه

وكمان بتتشاقي بره المدرسه وبوظتو بيت واحد وجه يشتكي منك

وبصت لبابا لقيته زعلان قوي

وقالها انتي حطيتيني في موقف وحش يا سندريلا
ووعدت صاحب البيت اني اصلح اللي انتي بوظتيه
وكمان كدبتي وخبيتي علينا
انتي من النهارده متعاقبه مفيش لعب ولا تلفزيون
مدرسه ومذاكره وبس لحد ما احس انك باقيتي كويسه

ودخلت اوضتها وفضلت تعيط

وتاني يوم وهي في المدرسه قابلت صاحباتها وحكت لهم اللي حصل
كل واحده قالت انه حصلها زيها
صاحب البيت جه المدرسه وسأل علي عنوان كل واحده فينا

بس احنا برضه نتشاقي براحتنا واحنا بره لان في البيت بنذاكر وبس
لكن سندريلا قالتلهم لاء كفايه لحد كده

البنات اتجمعو في الفسحه
وفضلو يتكلمو مع بعض من غير سندريلا ماتسمع

وراحو وقالولها خلاص احنا مش حانصاحبك
ومش حانلعب معاكي تاني

وزعلت قوي سندريلا منهم

وكده بقت لوحدها دايما في المدرسه
وفي البيت بتذاكر وبس

ويوم وهما مروحين امير شافها وراح يتكلم معاها

وقالها بقيتي شاطره يا سندريلا وبطلتي شقاوه
قالتله بس بابا وماما لسه زعلانين مني

قالها معلش بكره يصالحوكي
ايه رايك بعد كده تلعبي معايا بدل ما انتي قاعده لوحدك
ووافقت سندريلا

وبقت بتلعب مع امير في المدرسه وبيذاكرو سوا

وجت الامتحانات ونجحت سندريلا

وجرت عالبيت تقول لماما وبابا
اللي راحو مصالحنها علي طووول

ورجعولها لعبها تاني

وكمان دبدوبها اللي بتحبه قوي

وفضلت سندريلا من يومها شاطره وبتسمع الكلام
ومش بتعمل شقاوه ولا تكدب علي ماما وبابا
وبقت تلعب مع امير والولاد الكويسين بس

وتوته توته خلصت الحدوته يا حلوين
يلا تصبحو علي خير

تحفه تحفـــــــــــــــــــــــــــــه

شكرا

» قصة سندريلا
» قصه جديده خالص عن سندريلا بالصور جنان
» حكاية سندريلا 2010
» قصة سندريلا بالصور ..رسم فنان.,
» حكاية سندريلا 2010 (مضحكة جدا)