لجنة شعبية

موضوع: لجنة شعبية الأربعاء مارس 02, 2011 11:11 am

لجنة شعبية

............

مبدئيا لم أشارك فى اللجان الشعبية على الارض ولكنى شاركت من فوق..
ايوة من فوق سطوح الدور السادس ..الاستطلاعات الجوية يعنى..
...........
دة مشهد اتخيلتة عن لجنة شعبية فى منطقة راقية..تعالوا نشوف
..................
الشخصيات
استاذ حسن:استاذ علم النفس
الشاب حمادة:شاب فى الجامعة الامريكية،من شباب الفيس ومارينا
صاحبة بيبو:شاب فى الجامعة البريطانية والفيس ومارينا
رجل الاعمال:سيد سعيد،رجل اعمال صاحب شركة محدودة
قرب يبقة مليونير ..
(أبو بيبو فى الخليج..وبيبو زى ما بيقول على نفسة
ابن بلد..عشان كدة نزل عشان يحمى اسرتة ..نزل بالبلاك بيرى)
.............
المشهد:يجلس الاربعة امام العمارة الفخمة ..على كراسى بلاستيك وعلى امتداد
الشارع يجلس ايضا باقى المدافعين عن انفسهم..امام الاربعة ترابيزة عليها
كابتشينو لحمادة وقهوة اكسبرس لسيد بية واستاذ حسن ونسكافية بلاك لبيبو..
ومسدس صوت ...وشومتين وحديدة ..وفى ايد
بيبو البلاك بيرى وفى ايد حمادة اى باد (ولا ننسى ان خدمة النت مقطوعة) لكن الشباب واخد على الحاجات دية ..
............
ولا ننسى ان الاستاذ حسن قاعد يتكلم مع سيد بية الذين
يتعرفوا على بعضهم لأول مرة ..والشباب يتكلموا شوية فى السياسة ..وشوية فى
البنات بتوع المنطقة واحيانا يتكلموا مع البنات نفسهم على التليفونات
نفسها احيانا يقوموا يتمشوا مع نفسهم..دة كلة من الساعة 10 الى 12 لحد ما
سمعوا اول صوت جى من اول الشارع..وناس صوتها عالى على اول الشارع
حمادة وركبة بتخبط:بيبو انا حاسس ان حد بينادى انا هطلع اشوف مين
بيبو وركبة بتخبط أكتر:لا ياعم ماحدش بينادى ،بس انا حاسس انى عاوز اروح الحمام
سيد:اية يارجالة اومال شباب وهيصة وزمبليطة وعملينلى فيها شباب من الاخر
،اية يابيبو انتا مش لسة قافل مع بنتى ساسو وقايلها اموت واحميكى
بيبو(ينفى حكاية الدفاع عنها):انا يا اونكل قلت كدة ،نيفر يا اونكل ..ساسو
دية اوفر ..انا قلتلها بص انا هقف انا وحمادة وقفة رجالة..فى سرة (اوك
ياساسو لما نتقابل بس)
استاذ حسن:طبيعى ياسيد بية الاولاد ياخافوا ،طبقا لنظرية فرويد
قاطعة سيد فى حدة:والنبى ياعم حسن مش وقت فرويد خالص
ركز كدة وامسك الحديدة اللى قصادك دية وكفاية عدل فى النضارة
مش هتقف تحلل نفسية البلطجى وهو جاى يقتلنا
حمادة رد بالنايبة عن ابوة حسن:يا اونكل ما احنا لو حلينا المشاكل النفسية للبلطجية دول مكنوش موجودين اصلا
سيد (رجل الاعمال اللى من اصول عادية،وابن سوق):هتطلع لمين يعنى غير لأبوك ..وفى سرة ناس ولاد تييييييت..
روح خبى الآى باد دة مش خايف على نفسك خاف على ابوك
(وبدأ الصوت يعلى على بعد خمسمائة متر ..خبى بيبو وحمادة الاى باد والبلاك
بيرى..لكن بعد ان اخذوا بعض الصور عشان يبقة ينزلوهم على الفيس..والصوت
بدأ يقل حتى صمت وعلموا من اقرب لجنة على بعد خمسين متر ...انهم مسكوا
حرامى ..
لا ننسى أن لجنة الشباب الحلو اول لجنة من الجهة الثانية من الشارع بعد ان
هدأت الاوضاع فجأة وجدوا ..اثنين يأتوا جريا من هذة الجهة..على بعد مئة
متر)
حمادة:طب بيس اوى بااااااااى بقة ياجماعة وخلع دخل البيت
بيبو:حمادة متسبنيش ياحمادة متسبنيش وخلع وراة
سيد:عيال تيت صحيح ..
حسن :البلطجى دة فى اصلة ضعيف
سيد :مش وقت تحليل ،نمسكهم وبعدين حللهم براحتك
واقترب الاثنين واقتربوا وسيد وحسن مسلحين بالشوم ..
واقترب البلطجية فى الاضاءة الخافتة للشارع..وخاف حسن بعض الشئ ..ولكن سيد
لم يخاف.واقتربوا البلطجية اكثر واكثر بعند شديد وهم يروا لجنة
اقتربوا..حتى مسكهم بسهولة سيد وحسن واتضح انهم اصحاب بيبو و حمادة..شيكو
و ميدو..كانوا يجروا عندما سمعوا طلق نارى ولم يستطيعوا ان يصعدوا منازلهم
فأتوا جريا يستنجدوا بااصحابهم ..
سيد:جريوا على فوق اطلعوا حصلوهم
حسن:بص انا شايف ان الامر مكنش المفروض تخافوا كدة
قاطعة ميدو بعد أن أخذة نفسة:فاكس يا اونكل تصبحوا على خير
وصعد هو وشيكو الى المنزل يكملوا السهرة
(PES)and(wiiiiii)
مع حمادة وبيبو وساسو و ليلان
........................
اكمل حسن و سيد السهرة يتكلموا، حسن يعدل نضارتة
وسيد يقاطعة ويقاطعة
يسمعوا احيانا صوت من هنا.. صوت عيار من هناك
ولكن دون وجود خطر حقيقى ..حتى اتى الصباح
وطلعوا بيتهم..

كل لجنة شعبية وانتم طيبين.

موضوع: رد: لجنة شعبية الأحد مارس 20, 2011 5:59 am

اكيد دا حصل فعلا

ومواقف تانيه كتيره

تسلمي

» اكلات شعبية من كل البلاد
» أكلات شعبية من كل البلاد
» أمثال شعبية بس بدماغ مصرية
» لجنة الانضباط تبرىء بركات
» بالصور.. جنازة شعبية وعسكرية لتشييع شهيد الحدود