:":":": رقم تليفون الريس :":":":

كان أمل الجميع ..شرف مكالمة الرئيس ....وعرض مشكلته عليه ... ؟

حتي في دور العبادة ... إنشغل الجميع بالتواصل مع الرئيس ...!!

وافق الرئيس علي مضض وعلي أمل أن يحدث التواصل المطلوب بينه وبين أفراد

الشعب

((إتصل برقم الرئيس ..وإنت وأهلك تهيص .... ))

((إتصل بالرئيس ... يكون لك خير ونيس ....))

ولم تنس الدعاية المرأة في هذه الحملة فكان منها ما يقول

(( إتصلي بالرئيس .... وبكره يجيلك العريس .... ))

وكان للأطفال أمل الغد أيضاً نصيب فكتبت لهم إعلانات تقول :

(( كلموا عمو الريس .... قبل ما يموت ويفيص ))

جاءت ساعة الصفر .... وبدأت الخدمة ... وتلقي الرئيس عدة مكالمات

- ألو ....

- إنت الريس ...

- أنا ياريس دخلت قسم شرطة أعمل محضر قام الظباط والمخبرين ضربوني علي قفايا

وجابوا ساعة رقمية وقعدوا يشوف من حيضربني أكتر علي قفايا في الدقيقة وما

خلصوش إلا لما ظابط المباحث عمل رقم قياسي وضربني 80 قفا في الدقيقة لغاية ما

قفايا ورم ونظري ضعف ... يرضيك كده ياريس وأنا ولا مجرم ولا حاجة أنا رايح

أشتكي وأعمل محضر في الجيران ...

- شكراً ياريس ..ربنا يخليك لنا ويخليك للوطن ... ؟

- ألو

- الريس معايا شخصياً

- أنا ياريس وغيري ملايين ساكنين في المقابر وتحت الكباري وفي عشش في

ال ...في ال

- فاهم فاهم يا ريس ...

- نفسي في شقة من إللي بتتوزع علي لاعيبة الكورة والعقود إللي بتتوزع وبنشوف

تصاويرها في التلفيزيون...

- طب ما تيجي ياريس تتعظ عندنا شوية ...

دببببب ...

وتم غلق الخط ...

- ألو ....

- الريس حبيبنا معانا ....

- أنا ياريس شاب عندي 29 سنه ومتخرج بقالي 9 سنين ومش لاقي شغل ..ولسة

بآخد مصروفي من والدي وقاعد علي القهوة طول اليوم ... نفسي أشتغل ياريس ...

- ياريس عايز أكون نفسي ...

- أكونها إزاي من غير شغل ..؟؟

دبببب ...وتم غلق الخط ....

- ألو ..صباح الخير ياريسنا يا جميل ...

- أنا يا ريس عانس ... وصلت لسن 35 ومش لاقية عريس ... نفسي أتجوز زي

البنات كلها ويبقي عندي بيت وأسمع كلمة ماما ....

- ياريس ... نفسي أحب وأتحب ....

- يعني أتجوز الوطن وأجيب منه عيال ..!!!

دبببب .. وإنتهت المكالمة ....

حد عاوز يكلم الريس