مكالمة حقيقية (للمصرين ادخلوا وشوفوا ) بجد مضحكة جدا

هو : هاي

هي : هاي

هو : ممكن نتعرف ؟

هي : ممكن ... مين معايا ؟

هو : معاكي ديفيد ... ديفيد بيكهام

هي : ديفيد بيكهام ... لعيب الكورة

هو : أيوه يافندم ... الله ... شكلك تعرفيني

هي : أكيد ... أنا كنت متابعاك امبارح في ماتش انجلترا وموزمبيق ... كنت تجنن وانت واقف جون

هو : متشكر على ذوقك العالي

هي : ويا ترى انت منين

هو : هولندا

هي : بلد جميل جدا ... خصوصا برج ايفل

هو : طبعا .... أنا لازم أشربه كل يوم قبل التدريب ... أصله مفيد جدا

هي : وبتلاقي وقت تخش على الماسنجر ؟؟؟

هو : أيوه ... أصل في سيبر جنب الاستاد ...
بزوغ بين الأشواط وفي الوقت بدل الضايع وأديها شات ..

هي : جميل جدا ... طول عمري بحب التزويغ

هو : بس أنا معرفتش مين معايا ؟

هي : أنجلينا جولي

هو : لا مش ممكن ... حضرتك بطلة طومب رايدر ؟؟؟
هي : ايوه ... الله ... شكلك بتتفرج على أفلام كتيييير ...

هو : أيوه طبعا ... وبحب كل أفلامك ... خصوصا دورك في سبايدر مان

هي : أووووه ... ده كان دور صعب جدا ... الواد بيتر تعبني جدا

هو : فعلا ... هوه شكله واد خيخة جدا ومش عاجبني ...

هي : انت كمان خدت بالك؟ ...
لأ وكمان كان على طول يجي ضارب كشري ...
وريحة بقه مليانة توم ... ياااااي

هو : معلش ... هيه دي مشكلة الشباب الصغير ...
مابيراعيش أعراض القولون ... وبيلوص بالليل في الحمام

هي : بس انت حلاقتك تجنن ... بتحلق فين ؟

هو : عم مستكة الحلاق .... حلاق عالمي مشهور في العتبة

هي : العتبة ؟ ... فين دي ؟

هو : دي مكان راقي جدا في القاهرة ....
بيجمع أفضل الفنانين في كل المجالات ... لازم تيجي تشوفيه

هي : القاهرة ....؟؟؟ ... بس انت قلت انك من هولندا

هو : أيوه ماهو أنا بقضي الهوليدايز بتاعتي في إيجيبت بلد الحضارة

هي : اااااااه ... طيب ويا ترى هواياتك ايه ؟؟؟

هو : يعني ... كوره ... بلاي ستايشن ... شعبطة أتوبيسات

هي : شعبطة إيه ..... ؟؟؟

هو : دي رياضة مشهورة في إيجيبت ... بيمارسها الناس كل يوم الصبح ...
بتحرك كل عضلة في جسمك .... وتوديها حتة تانية غير مكانها

هي : حاجة هاي وروعة

هو : فعلا حاجة "سو فاني" .... وانتي ايه هواياتك ؟

هي : يعني ... أخرج مع براد بيت ... ألعب مساكة

هو : واو ... مساكة ... شكلك دماغ

هي : أيوه ... أصل بابي كان مربينا في أرقى مناطق هوليوود .......... شبرا

هو : جميل جدا .... طيب أستأذن عشان سامع صفارة الشوط التاني

هي : وأنا كمان ... لحسن براد بيدور عليا ... الظاهر مش لاقي الممسحة

هو : باي

هي : باي

هو : (في سره) "بنت هبلة"

هي : (في سرها) "عيل أهبل"

هههههههههههههههههههههههههههههههههههههههههههههه
الصعيده وصلووووووووووووووووووووووووووووو

ههههههههههههههههههههههههههههه

ههههههههههههههههههههه

هههههههههههههههههههههه

ايه الكدب ده كله

مكالمة حقيقية (للمصرين ادخلوا وشوفوا ) بجد مضحكة جدا 844611

طبعا صادقين

هههههههههههههههههههههههههههههههههههه

» لقطات مضحكة جدا للموبايل-لقطات مضحكة فيديو للتحميل
» موسوعة الصور الرمزية ...يلا ادخلوا بسرعة
» ادخلوا وفرفشوا محدش واخد منها حااااااااااااجه
» غرف نوم روعة بالوان اروع وديكورات بتجنن ادخلوا يا حلويين
» مبارك في مكالمة هاتفية مع نظيف: عملية اسئصال المرارة كانت(علقة سخنة)