nano شخصية هامه
الوسام : عدد المساهمات : 1343 عدد نقاط : 54832 تاريخ التسجيل : 01/11/2009 المزاج : مودي رايقه جدا
| موضوع: مذكرات بنت نفسها تتجوز الجمعة مارس 05, 2010 12:40 pm | |
| ليوم : أحد الأيام التاريخ : مش فاكرة ـ هو تحقيق ؟ الوقت : الصبح وأنا رايحة الشغل اللى حصل ...... نزلت من بيتنا لرحلة العذاب اليومية فى الميكروباص .... بطرف عينى لمحته على أول الشارع .... شاب طول بعرض .... وسيم .... جوه نفسى صرخت (( وااااااااااااااااو )) مشيت باتزان ولا باين على اى حاجة .... بس بصراحة هو يتاكل أكل البدلة جنان والشعر ولا ليوناردو دى كابريو فى تيتانيك ... وماسك شنطة ... دبلوماسى ده يا خواتى ولا ايه !! جه الميكروباص ...حشرت نفسى فى الكرسى الوسطانى .. وكانت المفاجأة ...صاحبنا ركب جنبى ..... يا حلولى يا حلولى .... قولت لنفسى أربطى يا بت .... بعد حوالى محطة لقيته فجأة قالى (( لو سمحتى حضرتك مرتبطة ؟؟؟؟؟ ))) صرخت جوايا (((( جوووووووووووووون و جون وجون وجون )) رديت بكل تناكة ( هو ده يخص حضرتك ؟؟؟؟)) وشه راح لون وجه لون وقالى ( بصراحة انا دوغرى انا متابع حضرتك من فترة وعازم انى اتقدم حضرتك لو مافيش مانع ؟؟؟؟ )) فضلت بنفس الوش الخشب بس جوايا كنت بقول ((( هيييييييييييييييييه )) قولتله ( متهيألى موضوع زى ده ميبقاش هنا وبما انك متابعنى يعنى عارف بيتنا يعنى ممكن تيجى وتسأل والدى ـ فى حاجة تانى ؟)) حسيت انه أنكبس بعيد عنكم بس مش مهم ما انا قولتله ممكن تسأل والدىيعنى مقفلتش الباب برضه ..... هنا جاء صوت الصبى اللى بيلم الأجرة مثل الرعد (( يا فنديا فيه اتنين مدفوعش هتركبوا ببلاش ولا ايه ...؟؟؟ )) لسه همد ايدى واطلع الفلوس من الشنطة لقيت صاحبكوا ثار وقالى (( لالالالا يا أنسة أنتى كده بتشتمينى أنا مقبلش ان واحدة هاتقدم لها تدفع وانا معاها )) حسيت ان الرجولة نقحت عليه وانا منظرى هيبقى نص كم فى الميكروباص سبته دفع ............ نزلت من الميكروباص لقيته ورايا وقالى (( يلا ادينى وفرت لك أجرة الميكروباص النهاردة أخر الشهر وتلاقى الأمور مش تمام )) بينى وبينكم استفزنى وجرح كبريائى وانتوا متعرفونيش رحت بكل جرأة فاتحة الشنطة وطلعت كل ما أملك و والنهارده كان ميعاد الجمعية وبكل ثقة قلتله(( الحمد لله الخير كتير )) فى لمح البصر يا اخوانا لقيته قبض على الفلوس اللى فى ايدى وحطهم فى جيبه وقالى (( خلاص بقى خليهم معاى تذكار ) وقبل ما أنطق كان البعيد راكب ورا واحد على موتسيكل وبيشاورلى ( هبقى أردوهملك لما أجى أخطبك )) بقى (( اللى هو ماى ماوس ....فمى يعنى )) ده يا اخوانا اتفتح على مصرعيه زى ما بيقولوا وحسيت بالفك السفلى خاصم الفك العلوى بشكل وحش ............ ......... ..... ولأول مرة أعرف يعنى ايه الشعور بالبلاهة .... الأشارة فتحت .. والكلاكسات بييب يبيب ...... وانا ولا هنا ...... هبل وجانى بعيد عنكم | |
|
quiet girl مراقبه الموقع
الوسام : عدد المساهمات : 10075 عدد نقاط : 282952 تاريخ التسجيل : 30/10/2009 الموقع : https://kamel-elawsaf.yoo7.com المزاج : رَبّ إِنِّي لِمَا أَنْزَلْت إِلَيَّ مِنْ خَيْر فَقِير
| موضوع: رد: مذكرات بنت نفسها تتجوز الجمعة مارس 05, 2010 1:34 pm | |
| هههههههههههههههههههههههههه هههههههههههههههههههههه توبيك روعه
| |
|
MaRoo Director-General
الوسام : عدد المساهمات : 11531 عدد نقاط : 283540 تاريخ الميلاد : 07/03/1988 تاريخ التسجيل : 30/10/2009 العمر : 36 المزاج : عــــادي
| موضوع: رد: مذكرات بنت نفسها تتجوز الجمعة مارس 05, 2010 3:56 pm | |
| هههههههههههههههههههههههههه هههههههههههههههههههههه حلو الحوار دا
| |
|
مرايه النفس مشرفه القسم الاسلامى والصحه
الوسام : عدد المساهمات : 10364 عدد نقاط : 66343 تاريخ التسجيل : 31/10/2009 المزاج : متفائلة
| موضوع: رد: مذكرات بنت نفسها تتجوز السبت مارس 06, 2010 9:03 am | |
| هههههههههههههههههههههههههههههههههه | |
|
maha_2009 شخصية هامه
الوسام : عدد المساهمات : 1237 عدد نقاط : 54191 تاريخ التسجيل : 19/11/2009
| موضوع: رد: مذكرات بنت نفسها تتجوز السبت مارس 06, 2010 4:29 pm | |
|
حلووو قوووي ههههههههههههه
| |
|
nano شخصية هامه
الوسام : عدد المساهمات : 1343 عدد نقاط : 54832 تاريخ التسجيل : 01/11/2009 المزاج : مودي رايقه جدا
| موضوع: رد: مذكرات بنت نفسها تتجوز الإثنين مارس 08, 2010 1:09 pm | |
| ميرسي علي ردودككم والمرور الكريم | |
|
migoooooooooooo . عضو جديد
عدد المساهمات : 9 عدد نقاط : 52035 تاريخ التسجيل : 10/02/2010
| موضوع: رد: مذكرات بنت نفسها تتجوز الإثنين مارس 08, 2010 3:05 pm | |
| دا من كتاب عايزة اتجوز لوفاء عبد المنعم صح ؟؟؟؟؟؟؟؟؟؟؟؟ | |
|