هدايا عيد الحب

طبعا عيد الحب خلاص على الأبواب..
كل سنة وأنتم طيبين(happy valentine day)

وأكيد في الوقت ده كل بنت وكل ولد كل واحد قاعد عمال يفكر يجيب إيه؟
ويعمل إيه في اليوم ده؟!
وأكيد كل واحد نفسه يجيب هدية حلوة
علشان يعبر فيها عن مشاعره تجاه الشخص اللي بيحبه

دي مجموعة من الأفكار اللي حبيت اقدمهالكم
علشان تساعدكم على تختاروا الهدية المناسبة....

نشوف الهدايا

الهدايا المناسبة للبنات

1: إكسسوار زي خاتم أو حلق أو عقد
وعلى فكرة ممكن الإكسسوار ده يكون أصلي "ذهب أبيض" أو "أصفر"
أو ممكن يكون تقليد
يعني على حسب الإمكانيات والفلوس اللي معاك

2:قلب في السلسلة علشان تحط فيه صورتها وصورتك
أو ممكن تعمل لها سلسلة فضة أو ذهب
وتطبع عليها بالليزر صورتك وصورتها

3:محفظة جلد طبيعي
علشان تفضل فاكراك على طول

4:بادي شيك
ولو كانت البنت محجبة ممكن تجيب لها مجموعة من الطرح الشيك

5:شنطة ماكياج
أو شنطة فيها مجموعة شامبوهات للعناية بالبشرة أو الجسم
أو أي حاجة من الحاجات اللي بتهم البنات

6:علبة مجوهرات فضة صغيرة
ودي علشان تشيل فيها أي حاجة خاصة أنت هتقدمها
زي دبلة الخطوبة مثلا

7:عروسة لعبة ودي من الحاجات اللي تشد البنات اوي

8:دبدوب كبير وياسلااااااام لو كان احمر او بنبي او اصفر

9:مجموعة برفان واسبراي وكريم

10:عزومة حلوة كدة في مكان رومانتك

الهدايا المناسبة للولاد

1:كرافت شيك وياريت تكون لونها نبيتي علشان تكون مناسبة لعيد الحب

2:محفظة جلد طبيعي علشان يفتكرك بيها على طول

3:ساعة يد شيك

4:ميدالية فضة أو كريستال
وعلى فكرة مفيش ولد مش بيحب الهدية دي بالذات

5:كوفية علشان يلبسها كل لما يجي يقابلك

6:كاميرا ديجيتال أو عادية
هيفرح بيها أوي خصوصا لو كان بيحب التصوير

7:ماكينة حلاقة كهربائية
هي غالية شوية بس شيك أوي كهدية

8: بارفان ماركة كويسة

9:سويت شيرت او شميز شيك ويكون ماركة كويسة

10:حظاظة فضة عليها اسمه او حرفك وحرفه

هدايا بسيطة بس بتفرح القلب أوي
للولاد أو البنات

1:بوكيه ورد ويا سلام لو كان أحمر

2:قلب كريستال أحمر

3:دبدوب كبير ويااااااااااه لو كان احمر

4:علبة شيكولاتة
ويا سلام بقى لو كانت من النوع اللي بيحبها أو بتحبها

5:مخدتين كل واحدة فيهم عليها اسم كل واحد فيكم
وكل واحد ياخد المخدة اللي مكتوب عليها اسم التاني

6:حوض صغير فيه سمكتين (انتي وهو)

7:مج عليه صورتك او صورته

8:مجموعة بالونات حمراء مخصوصة لعيد الحب

9:برواز خاص بعيد الحب

10:تورتاية مكتوب عليها (بحبك)

اهم حاجة بقي واللي بتلفت النظر لفة الهدية لازم تكون شيك اوي تليق بحبيبك او حبيبتك

وياريت اكون ساعدتكم علشان ببقي في حيرتكم

هههههههه
تسلم وفرت الحيره علي ناس كتير
وهابي فلانتين دي

اي خدمة
وهابي فلانتين

تسلم افكااارك جميلة قووووي... :455:

ههههههههههههههههههههه
ميرسي انتو تأمرو بس

تسلم

» رسولنا الكريم هو قدوتنا في كل شي حتي الحب هل تعرف معنا الحب ادخل وشوف معني الحب ؟
» انتي الحب اومن اجلك الحب ولكى انتى الحب
» .•:*¨`*:•. خمس هدايا للصائم من رب العالمين .•:*¨`*:•.
» اختبار الحب حط اسمك واسم شخص تحبه وشوف كمية الحب بينكم
» هدايا للترحيب بمولود جديد