تدميس الفول لرمضان من غير ما يسود

كل سنه وأنتم طيبين
هقولكم طريقة تدميس الفول
على طريقتى المجربه طبعا عشان رمضان أعادة الله علينا بالخير واليمن
والبركات....

وكمان هقولكم على السر اللى ما يخلهوش يسود...

ندخل فى الموضوع...
المقادير :
1\2 ك فول تدميس ------ونختار وأحنا بنشتريه الفول يكون كبير ولونه فاتح ويكون فول مكمور
2 ملعقة كبيره عدس أصفر
2 ملعقة كبيره فول مدشوش ----- أو أرز
2 ليمونه

الطريقه::
ننقع الفول لمده لا تقل عن 4 ساعات وذلك لنزول المواد الضاره الموجوده به
نغسل الفول ونضعه على النار فى الدماسه واللى معندهاش مفيش مشكله تضعه فى
حله عادى بس تكون عميقه وغطاها محكم حتى يغلى ثم نضيف العدس بعد غسله
والفول المدشوش أو الارز كمان بعد غسله...
ونتركه حتى يغلى ثم نعصر الليمون وكمان نضع القشره بتاعت الليمون أيضا فى الفول..
ثم ننقله على أصغر عين فى البوتجاز ونضع تحته الشياطه بتاعت الارز ونتركه
حوالى من 4 الى 5 ساعات وطبعا نتابعه على النار عشان لو الميه قلت نغلى ميه
ونضعها عليه وأوعى تحطيها ساقعه من غير تسخين أحسن الفول بيغيب فى السوى
وكمان يسود...

نسيت أقولكم الليمون هو اللى ما بيخليش الفول يسود وبعد
ما يستوى الفول أطفى النار وأطلع منه قشر الليمون على فكرة بتكون سليمه زى
ما هى ما تتقطعش ولا حاجه..
وأترك الفول يبرد وان كان عليه مياه كثيره أصفيها بالراحه وأضعه فى أكياس
نايلون بكميه مناسبه لعدد أفراد الاسره...وبكده تضمنى نظافة الفول وكمان
عدم غمقانه ويكون أحمر وجميل...وبالهنا والشفا
.....

فعلا جاي في وقته ورمضان علي الابواب

تسلمي ياكيوت اتعلمت بجد الطريقه الصح

دام تميزك

» كيف يسود الحب والود بين أبنائك؟
» ماذا اعددنا لرمضان
» قصة الفول
» طريقه عمل الفول
» اللحم البقرى مع صوص الفول السودانى