حجج الشباب لمعاكسه البنات ................. حجج فاضيه اي نعم

المعاكسة واجب قومي وحق تجاه اي بنوته نازلة الشارع وتاعبة نفسها ومتشيكه

وحاطة ميكب ونازلة تقول للأرض اتهدي ما عليكي ادي ... عايزين ايه من الشباب

يعني ... مش لازم يشجعوا المنتج المحلي ... وكمان لما البنت دي تتعاكس

والشباب يقرفها في الشارع اكيد هاتتربى وهاتتعلم الادب وتنزل الشارع بعد كده

محترمة .... ماهو لو محترمة والله ما كانش حد قرب ناحيتها .بس في

مشكلة ...البنات أصلا فى مصر بيشعروا بالأنوسة من المعاكسة ... واحنا الشباب

بنعاكس البنات ليه ... اكيد ماشية تتمايع وتضحك في الشارع وحاطة ميكب اد

كده ....لازم نعكسها وهذه غريزة فى طابعنا ... ... مش بقولكم واجب قومي ...

طب واللي ماشية لابسه محترم ولا حاطة ميكب ولا غيره وماشية في حالها لا

بتضحك ولا بتتمايع ماشية في حالها ... ...لأه بقى ما هي نازلة الشارع وحدها

وقاصدة تتعاكس ايه اللي منزلها الشارع وحدها وهي عارفة الشوارع بقت عاملة

ازاي ... ماهي لو محترمة بجد كانت نزلت مع باباها ولا اخوها ولا خطيبها حتى ...

دي عايزة تعمل محترمة وتضحك عالشباب وتجيب عريس ..صح يا رجالة ولا ايه ....

وبردو لازم نبينها على حقيقتها لازم نعاكسها علشان الكل يعرف حقيقتها ...طب

واللي نازلة مع اخوها ولا خطيبها ولا حتى جوزها (مش نازلة لوحدها اهو) ويطلع لها

واحد من ورا خطيبها ولا اخوها بيبصبص ليها كده من ورا ظهر الراجل الغلبان وعمال

يشاور ويعمل حركات ويقرفها ... ... يا سلاااااااااااام ومين قاللك ان ده خطيبها ولا

اخوها .. تلاقيها الواد اللي ماشية معاه ماهو لو كان خطيبها كان قعد يشوفها في

بيتهم .. وانا بعاكسها علشان اعرفهم قيمتهم هما الاتنين علشان يتربوا ويبطلوا

صرمحة في الشوارع ... مش بقولك واجب قومي علشان البلد والله.. ونحن نكافح

من أجل مصر..طب واللي واقفه في البلكونه الغلبانه بتنشر ولا بتجيب حاجة

بالسبت بيطلع لها ميت واحد من الشارع اللي يعاكس واللي يشاور.. ما هي

قاصداها وطالعة البلكونة علشان الناس تشوفها وتتعاكس .. هي اللي عاوزة

تتعاكس من الاساس .. وانا لما بعاكسها بوريها قيمتها اصلا ... هي ايه اللي طلعها

البلكونة من الاساس .. تنشر .. هههه دي تلاكيك يا عمنا ... دي عاوزة تتعاكس ...

ماهى لو محترمة والله ما كنت هاقرب ناحيتها ...طب واللي قاعدة في بيتها يا

ناس .. ويطلعلها واحد من شباك العمارة المجاورة اللي عمال يبص ويبحلق فيها

ويعاكسها ... شوفت ياعم ... هي اللي فاتحة الشباك علشان الراجل ده يشوفها

ويعاكسها ... وتلاقيها كانت بتتمنظر قدامه رايحة جاية ومتشيكه علشان يشوفها

ويعاكسها .. هي لو محترمة تفضل في بيتها وتقفل الشبابيك والبلكونات و الابواب

كلها وتقعد تحت السرير كمان علشان تبقى بنت محترمة بصحيح ومحدش يشوفها

خااااااالص وتدفن نفسها بالمرة ههههه

صح يا شباب ولا اي

والله الولاد دول سوسه تحس ان الكلمه واقفه في بقو لو مو طلعها هيموت

مش عاجبهم حاجه
اهم حاجه يعاكسو وخلاص دي غريزه اصلاا

والبنت كمان بتبقي منتظره المعاكسه فعلا
بس ف معاكسات بضايق
وساعات ف ولاد بيمدو ايدهم
بلاش احسن معاكسات

بصي بصراحه انا بحترم الاغنيه الي بتقول نظره في ابتسامه
هو ده التعبير عن الاعجاب دون كلام جارح او نظره جارحه

دول عايزين البنات يقعدو في البيت خالص
ولو نزلو يبقي عايزين يتعاكسو يسلام شباب عقله تعبان والله
وبيفسرو كل حاجه ع مزاجهم
الواحده مننا ولا يهمها وتمشي ف الشارع واثقه من نفسها
ولا يهمها كلام حد طالما محترمه في لبسها ومشيتها ومع الاخرين

ويقولك واجب قومي
دا واجب كي جي وان >> عقل اطفال يعني
ربنا يهديهم يارب ويركزو في مستقبلهم احسن ماهما شاغلين نفسهم بالبنات

هههههههههههههههههههههه
عمدك حق كيوت ان كان عندهم عقل اصلا

اى حجج وخلاص
عالم فاضية صحيح

عالم فاضية موارهاش شغل

ههههههههههههههههههههههه

والله عندك حق..دول بيتولدو قلت الادب فالجينات ..طبعا مش كلهم عشان

مظلمش

» ليه البنات مقهورين من الشباب
» ليه الشباب احسن من البنات ؟
» أي هم اكثر مشاكل الشباب أم البنات
» الشباب ومشاكلهم
» من هي اغبى البنات في نظرك؟؟ من هو اغبى الشباب في نظرك؟؟