هو في رجاله اصلا؟

ةبسم الله ما شاء الله الكلمة دي بقت موضة اليومين دول عند البنات.
كل ما تسأل واحدة يا حلوة ما اتجوزتيش ليه؟ وليه موافقتيش على العريس اللي اتقدملك؟
تقولك ما ارتحتش وبعد ما تطلع فيه القطط الفطسانة ترزع الجملة
"هو فيه رجالة أصلاً؟!"
وسعوا شوية كده .. عزيزاتي الآنسات .. مصر مليانة رجالة لدرجة ان مبقاش فيها بنات أصلاً
أيووووون .. مصر مفيهاش بنات واللي مش مصدق ييجي ورايا السطور اللي تحت

بتعرفي تطبخي يا حلوة؟
أعتقد
ان معظم الشباب المتجوز حديثاً بيعاني من المشكلة دي لأن الست هانم ملهاش
علاقة بالمطبخ لأنها كانت مشغولة في السنين اللي فاتت من عمرها بسي ديهات
عمرو دياب والميك آب والمراية وسماع أسامة منير وتامر حسني لتكون النتيجة
بعد الجواز وفور دخولها المطبخ رز شايط ومكرونة محروقة وفرخة مغسولة
بالرابسو.

ياريت المسألة تنتهي عند كده .. لأ .. دا فيه غرامات
مادية مش بس الخساير اللي حصلت في المطبخ لكن كمان فلوس أكل التيك آواي
اللي هييجي من بره والميزانية تضرب .. يعني اتجوزتك يا حبيبتي عشان
تعينيني لقيتك خربتي بيتي، واوعو تفتكروا ان الضعف العام اللي بيعاني منه
الطفل المصري بسبب الفقر بس .. لا صدقوني السبب الرئيسي ان الأمهات
الشابات ما بيعرفوش يعملوا أكلة عدلة لا للراجل ولا للبيبي.

طيب .. تعرفي يا حلوة تعملي ميزانية؟

الحق
يتقال معظم بنات اليومين دول شطار في عمل ميزانية للبدي والفستان
والبنطلون وطبعاً سي ديهات عمرو دياب واليسا وتامر حسني والبرفانات وممكن
تكون رومانسية قوي فتربيلها قطة والقطة عايزة أكل أو سلحفاة والسلحفاة
سخنت عايزة دكتور .. يعني تعيش السلحفاة والقطة ويموت الراجل من الجوع.

"انت مش مهتم بيا"
شعار خراب البيت على ايد الأمورة المتدلعة يبدأ من هنا وعلى شاكلته "انت مبتحبنيش زي الأول"

ومن
هذه الجمل الشاب المسكين يحاول يثبت للهانم العكس .. سينما ياللا .. مصيف
يادوب نلحق .. الشهر اللي جاي يومين في شرم وبسبب الاثبات ده غالباً ما
بينفصل المسكين من شغله .. ولو محاولش يرضي الحلوة تلاقيها رافعة عليه
قضية خلع .. الله يرحمك يا ست أمينة يا اميره يا بنت الامرا ويرحم أيامك
اللي كنتي بترضي فيها بأي حاجة وعمرك ما قلت مش مهتم بيا.

ثم فين
البنت النهاردة اللي تقدر تستحمل ظروف شاب؟ وتقدر تتحمل مسئولية بيت
ورعاية أولاد من غير ما تنشرها ويلاقيها تاني يوم عند صاحبتها مديحة
وأنتيمتها رشا وزميلتها في الشغل نهلة.

ثم ايه حكاية "استقلالي ومشاعري واحساسي وشخصيتي"؟
فين
أيام أمهاتنا وجداتنا اللي كانت الواحدة منهم ستر وغطا على راجلها تعرف
تحافظ على بيتها وتربي أولادها وتخفف على جوزها مشاكل شغله وتوفر له
الهدوء والراحة وتستناه بالميه السخنة والملح .. مش عايزين ميه سخنة بس
عايزين زوجة عدلة.

بذمتكم
الشاب مننا يتجوز مين؟
ويروح ليه لواحدة تحرق دمه .. شبكة وشقة والفستان بتاعي مش ايجار والفرح بتاعي لازم يتحكي عليه.

دا لو دفع فيها 50 جنيه وهي بالمواصفات دي تبقى واقفة عليه بخساره

50 جنيه ايه انتم المفروض انكم تدفعو فلوس لينا خلو رجل وايجار كل شهر
والله البنات صعبانه عليا كترو اوووووووى
لدرجه انا الواحد بدا يتخنق منكم ماليتو البلد

ههههههههههههههههههههههههههههههههههههههه
بقي كده يعني مو هتتجوز ياميدو
ولا قررت تعنس

انتي مع مين يانهي
اتكلمي عن نفسك ف بنات كتير شاطرين
والكلام دا مش صحيح اطلاقا

حاولي دوي علي الحقيقه يابنتي راجعي نفسك احسنلك
بدل مانعمل عليكي مظاهره
ونرحلك ع القصر العيني

هههههههههههه ايه الحرب دي يامارو انا لازم اكون محايده انا بنت بس بجد النوع ده من البنات انتشر
انا عن نفسي الحمدالله ناويه اككون بيت ليا لوحدي اعمل كل حاجه فيه بالمشاركه بينو وبيني والاطفال
حيتنا لوحدنا منفصلين عن العالم كلو