ازاي تتعامل مع خطيبتك

ـ خليك دايماً على اتِّصال بخطيبتك؛ للاطمئان عليها، ومفيش مانع من كلمة حلوة؛ لأن الموضوع ده هيترك أثر جامد في نفسها.

2 ـ حسّسها دايماً إنها أحلى بنت في الوجود، وإن دي فعلا البنت اللي كنت بتتمناها من زمان.

3 ـ انتهز أي فرصة وهات لها هدية حتى لو بسيطة؛ لأن الهدايا بتقرّب المسافات، وبتفرّح أي حد.

4 ـ تجنب أي تصرف يدلّ على العنف والتهور، زي لما تكونوا خارجين وحدّ يبص لها تقوم تضربه أو تتخانق معاه.. يعني من الآخر كده: خليك جنتل مان في كل تصرفاتك.

5 ـ راعي مشاعرها في تصرفاتك، واوعى تبص أو تعاكس أو حتى تمدح في بنت تانية قُدّامها.

6 ـ حسّسها دايماً بإنك قادر على تحمُّل مسئولية الحياة بعد الجواز، وده عن طريق إنك تتكلم معاها في أمور الحياة، وتديها آراء جادة، دون الاعتماد على آراء الآخرين.. يعني مش لما تسألك على حاجة تقول لها: معرفش.. لما أسأل بابا أو أسأل ماما؛ لأن الكلام ده ممكن إنه يضايق أي بنت، ويحسّسها إن خطيبها غير قادر على تحمل المسئولية.

7 ـ اشرح لها إمكانياتك المادية وطموحك اللي ناوي تحققه في ضوء الإمكانيات دي من غير كدب أو تزييف.
وفي النهاية أحب أقول لكل ولد وبنت مخطوبين حاجتين اتنين وبس:

الحاجة الأولى:
وهي إن كل طرف يكون عنده استعداد يتغيّر للحاجة اللي بيحبها الطرف التاني، وحابب إنه يشوفها فيه.. وخاصة إذا كان التغير ده هيكون للأحسن.

الحاجة التانية:
بلاش التسلط ومحاولة فرض الرأي بدون أسباب منطقية.. ومفيش طرف يدي قرارات للطرف التاني على شكل أوامر إذا لم تنفذ فإن العقاب سوف ينزل.

واللى لسه بقى مش خاطب زى حالاتى .... يبقى يعمل الحاجات دى كلها لما ربنا يرزقه ببنت الحلال ان شاء الله

حلوه يامحمد الخطوات دي
يارب كل الشباب والبنات بردو
يعملو كدا ويهتمو ببعض

تسلم

موضوعك رائع يا محمد بجد

وياريت كلة يراعي شعور بعضة سواء بنت او ولد

ميرسي ليكم
بس
الحقيقة
ان مش في حد بينفذ دا او بيتنفذ دا قليل جدا

موضوع جميل

بس مين اللى بينفذة

» كيف تتعامل مع حبيبتك ؟؟؟؟؟
» كيف تتعامل مع الأشخاص على حسب شخصيتهم ؟؟؟
» كيف تتعامل مع الطفل ذو النشاط الزائد
» ازاي تحرق دم البنات
» ازاي تحرقي دم الولاد