الجزء الثاني من مسلسل رخامة من القلب للقلب

أولاً : ازاي ترخم على ضيوفك !

لو عازم صحابك على العشاء مثلاً .. خليك انت خلص اكل اول واحد

و بعدين روح بسرعة علشان تغسل ايديك .. و بعد ما تغسل ايديك افتح الميه

على السخن بس .. و اقفل الساقع خالص . و استنى شوية 10 ثواني كدا

و بعدين اقفل الميه

و شوف بقى اللي بعدك هيحصله ايه

----

لو جالك ضيف رخم .. روح اعمل شاي و خلي الشاي سخن موحوح و ما تحطهوش في (مج) .. حطه
في كوبيات عادية و املاها للاخر علشان مايعرفش يمسكها

----

و لو عندك ضيف دمه تقيل و عاوز تفلسعه .. اظبط المنبه بتاع الموبايل بحيث كل شوية

يرن يرن و اعمل ان في واحد بيتصل بيك و قوله ( ايه ؟ .. دلوقتي لالا .. عندي ضيف ..
يمكن بعد 10 دقايق ولا حاجه ).

و ما تلبسش ساعة علشان كل شوية تسأله الساعه كام

و لما يكلمك ما تردش عليه من اول مرة .. اعمل نفسك ما سمعتوش

----

و لو واحد رخم و رغاي اتصل بيك حاول ترد عليه بكلام مختصر (ايوه .. ماشي .. حاضر ..
اوكي .. لا .. هشوف) .. و لو فضل يرغي كتير ما تردش عليه و اعمل نفسك بتكلم واحد
جنبك و بعدين قوله (آسف معلش كنت بكلم اخويا) و اعملها كذا مرة .. و لو طول قوي قوي
بقى و مش عارف تخلص منه .. اعمل ان الخط قطع .. و انك مش سامعه و قول (الو ..
الو .. الو .. انت روحت فين ؟؟ ... الو) و
بعدين قوم قافل السكة

----

و لو في حد رافع ضغطك و عايز تعمل فيه مقلب

خد ولاعه وسخن مقبض الباب وبعدين اعمل نفسك بتتكلم في الموبايل و قوله : افتح الباب
..

---

ثانيا: ازاي ترخم على الناس في المحلات !

ادخل اى محل جزم وياسلام لو كان فية زباين اقعد استنى لحد مازبون يقلع جزمتة عشان
يقيس تقوم سادد منخيرك وتمسك بطنك وتقول اوف وتعمل اكنك عايز ترجع وتقول
لصاحب المحل ماترش معطر ياعم اية الريحة دى هتلاقى الراجل الى بيقيس الجزمة وشة بقى
زى الطمطماية

ادخل محل ملابس وبردة يكون جوة زباين اقعد لحد ما واحد يقيس وهوا خارج اضحك وقهقه
اوى ويسلام لو وقعت على الارض من الضحك وبصله من فوق لتحت خليه يشك انة مسخرة
هتلاقيه عملها على روحه

ادخل اى محل واستنى اعمل اى حاجة لحد ما بنات يدخلوا طبعا صاحب المحل هيخلصلك الاول
عشان انت جى الاول قولة لا خلص المزمزيل الاول هتقولك شكرا والراجل هيقولك اوك اول
مايبدا معاها زعق اوى وقولة ايه ياعم مش انا جى الاول ولا هيا كوسة ولا عشان بنت
يعنى سبحان الله يجدعان نموت نفسينا يعنى عشان رجالة وسيبه وامشى قبل مايكلم ولا
كلمة

شوف واحد ماشى فى الشارع وعدى من جمبة وامسك منخيرك وقول يخرب بيت الاكل اللي
بتاكلوه ده .. وبص له شوية بقرف وامشى فى حالك

وسخ جزمتك اوى اوى وادخل اى محل نضيف وسيراميك واقعد اجرى فية ودور على اى حاجة
طبعا هيتحرجوا يكلموك بس هما اصلا ميتين من الغيظ

وانت بتاكل في اي مطعم ارمي نفسك علي الارض وصرخ وسمع الناس اللي بتاكل وقول جالي
تسمم من الاكل

ورخم اكتر ومتدفعش حساب الاكل وامشى على كدة

----

ثالثا: ازاي ترخم على السواقين في الطرق !

لما يكون في نزلة بعد كيلو ولا حاجه .. ادي اشارة صفراء يمين و هدي و اول ماتيجي
جنب النزلة قوم داخل شمال و مسرع هتلاقي اللي وراك اتغاظ

سوق عربيتك في الاتجاه المعاكس واي عربيه تعدي من جنبك اشتم صاحبها

نكتفى بهذا القدر انهارده وانشاءالله تكونوا استفادتوا ونكمل بعدين بقى

واااااااااااااااااااااااااا انا اسدفت من درس الرخامه بتاع النهاردهاقوم بقي اطبقو عملي ههههههههههههههههههههههههههههه بس جامد موت ياميدو

اي خدمة مبدئي في الحياه رخم علي الناس وعيش ملك واي خدمة يا قمر

هههههههههههههههههههههههه جامده جدا يامحمد
وانا اقول الرخامه دى كلها من ايه
قولى بئا انك بتاخد دروس فيهاااا

تسلم ايدك
ومنتظرين المزيد

هههههههههههههههههههههههههههههههههه
جميلة جدا يامحمد تسلم

» الجزء الثالث من مسلسل رخامة من القلب للقلب
» شوية رخالمة من القلب للقلب
» الجزء التانى من مسلسل جدو فى المصيدة
» رجال من التاريخ (هتلر ) الجزء الثاني
» الجزء الثاني من كلام الولاد للبنات المعثول ؟ههههههههههههه و